LUGAR DE CELEBRACIÓN DOS OBRADOIROS E RECEPCIÓN DE INSCRICIÓNS:
Local de Nova Escola Galega
R/ das Hedras, 4-2ºO (Milladoiro- Ames)
Enviar a folla de inscrición cuberta a: neg@mundo-r.com ou ao enderezo postal indicado arriba.
*A celebración destes obradoiros está condicionada á formación do grupo necesario.
OBRADOIRO DE INICIACIÓN Ó BAILE TRADICIONAL
NÚMERO DE PRAZAS: 12
MATRÍCULA:
– Asociados/as: 20€/mes
– Desempregados/as e estudantes: 25€/mes
– Cota ordinaria: 30€/mes
PRESENTACIÓN
Este curso pretende achegar as nocións básicas do Baile tradicional galego, ademais de proporcionar recursos lúdico-educativos para podermos levalo ás escolas e outras entidades. A nosa intención non é que os asistentes conformen un grupo nin aprendan coreografías, senón que desenvolvan as aptitudes para poder gozarmos da nosa música tradicional dun xeito participativo.
OBXECTIVOS
- Coñecermos os ritmos básicos do baile tradicional.
- Aprendermos a manter unha postura corporal correcta no baile tradicional.
- Aprendermos diferentes movementos, atendéndolle á riqueza do baile por todo o territorio galego.
- Aprendermos diferentes xogos baseados no baile.
OBRADOIRO DE INICIACIÓN Ó CANTO E Á TÉCNICA VOCAL
NÚMERO DE PRAZAS: 15
MATRÍCULA:
– Asociados/as: 20€/mes
– Desempregados/as e estudantes: 25€/mes
– Cota ordinaria: 30€/mes
PRESENTACIÓN
Este curso pretende atenuarmos o máximo posible as carencias respiratorias e fonadoras á hora de cantarmos ou mesmo de falarmos (en aulas, conferencias…). Trátase dun achegamento ás técnicas básicas da respiración diafragmática e da boa locución e emisión da voz.
OBXECTIVOS
- Coñecermos o noso corpo e a postura correcta do mesmo.
- Aprendermos o que é a respiración diafragmática e poñela en funcionamento.
- Aprendermos a técnica para falarmos e para cantarmos sen danarnos.
- Aprendermos repertorio de diferentes estilos, tanto infantil como para adultos.
OBRADOIRO DE INICIACIÓN Á FOTOGRAFÍA
NÚMERO DE PRAZAS: 15
MATRÍCULA:
– Asociados/as: 40€/mes
– Desempregados/as e estudantes: 50€/mes
– Cota ordinaria: 65€/mes
PRESENTACIÓN
Este curso de iniciación á fotografía dixital pretende, por unha banda, que os alumnos tiren o máximo proveito das súas cámaras dixitais, aprendendo a utilizar todas as súas funcións e programas e, por outra, que coñezan os fundamentos básicos da fotografía, tanto a nivel técnico como creativo.
OBXECTIVOS
- Coñecermos o funcionamento dunha cámara réflex e das distintas lentes.
- Aprendermos a manexar en modo manual as opcións principais da cámara.
- Adquirirmos nocións básicas sobre a luz e os esquemas de iluminación.
- Comprendermos a relación existente entre velocidade, diafragma e sensibilidade.
- Sabermos qué axustes realizar na cámara, segundo as necesidades da situación.
- Coñecermos as regras básicas de composición fotográfica.
OBRADOIRO DE INICIACIÓN Á PANDEIRETA
De abril a xuño, os martes de 19 a 20:30h
NÚMERO DE PRAZAS: 15
MATRÍCULA:
– Asociados/as: 60 euros (20€/mes)
– Desempregados/as e estudantes: 75 euros (25€/mes)
– Cota ordinaria: 90 euros (30€/mes)
PRESENTACIÓN
Con este curso, achegarémonos ó instrumento máis característico da nosa música popular para empregalo como ferramenta de traballo nas aulas ou mesmo para aprender a tocalo por simple gusto.
OBXECTIVOS
- Quitarmos mitos e prexuízos arredor da suposta facilidade que hai para tocar este instrumento de técnica de relativa complexidade.
- Introducirmos a pandeireta nas aulas como un instrumento con múltiples posibilidades.
- Aprendermos os catro ritmos básicos característicos dos nosos temas populares (xota, pasodobre, muiñeira e rumba).
- Aplicarmos o aprendido tocando temas sinxelos empregando os diferentes recursos técnicos e expresivos.
