Iniciativa do IES Pobra do Caramiñal.
A pasada semana os amigos e amigas do Equipo de Dinamización da Lingua Galega e Literatura e o Departamento de Lingua Galega do IES Pobra do Caramiñal convidáronnos a participar na iniciativa 21 Días co Galego, de xeito que durante o venres, Botóns foi o sitio web recomendado. Aquí podedes ver o vídeo onde lles presentamos Botóns.
Ao longo destes 21 días, que rematan este mesmo martes, peneiraron un bo abano de sitios web e propuxéronlles diversos retos ao alumnado. Recomendámosvos consultar o espazo do proxecto.
Tal e como explican na bitácora do proxecto, 21 días co galego nace para conseguir unha maior competencia en galego e unha mellor conciencia lingüística a través de diferentes actividades que pretenden levar a lingua alí onde nunca estivo na vida de moito do noso alumnado.
Esta experiencia ten dous grandes obxectivos de importancia semellante:
1) O aumento e perfeccionamento do emprego da lingua oral pola súa parte durante 21 días, con desexable continuación no futuro.
2) A reflexión íntima e persoal da relación que persoa ten co galego dende a súa situación vital concreta e individual.
A actividade, xurdida xa no curso 2012-2013, está organizada polo Equipo de Dinamización da Lingua Galega e Literatura e o Departamento de Lingua Galega do IES Pobra do Caramiñal.
[…] paso, achegámosvos este vídeo que fixemos para as amigas e amigos de 21 Días co Galego onde contamos un chisquiño máis do que é […]