No Aquarium Finisterrae deica o mes de outubro. Imaxes da vida cotiá submarina.
A sala Isabel Castelo do Aquarium Finisterrae acolle unha exposición de fotografías que recolle momentos da vida cotiá de diferentes especies de seres vivos mariños, tomadas por fotógrafos submarinos de prestixio internacional.
Ademais da excepcional calidade e espectacularidade das instantáneas, un dos grandes atractivos da exposición é que permite ao espectador asomarse á vida cotiá dunha gran variedade de animais mariños. Exemplares de diferentes especies, tanto de vertebrados como de invertebrados, foron captados alimentándose, aseándose, descansando, viaxando ou reproducíndose.
Son 70 imaxes que captan momentos da vida cotiá de diferentes especies de seres vivos mariños tomadas por fotógrafos submarinos de prestixio internacional, como Norbert Wu, Flip Nicklin, Ingo Arndt, Birgitte Wilms ou Hiroya Minakuchi, e procedentes do banco de imaxes ASA-Minden Pictures.
