O 5 de novembro na Domus da Coruña.
OSHWDem é un evento sobre electrónica e tecnoloxías de código aberto. Ten unha metodoloxía aberta e participativa, onde os propios participantes poden fornecer de contido alén do que achegan os organizadores.
Entre outras actividades, a feita ábrelle as portas aos centros educativos cunha competición para equipos de estudantes de 2º ciclo da ESO e Bacharelato, co obxectivo de promover o interese polas tecnoloxías libres entre a rapazada.
Na web da feira tedes as bases completas. A inscrición está aberta desde o 28 de setembro ata o 15 de outubro.