O domingo, 19 de febreiro, Adega-Lugo realizará outro dos seus roteiros “Recuperando O Noso”.
Este ciclo de andainas para poñer en valor iniciativas, proxectos ou experiencias que recuperan o noso patrimonio ou saber popular organiza desta volta unha visita ás Fragas do Eume, e dentro del o Parque etnográfico do río Sesín, o Mosteiro de Caaveiro, o Museo etnográfico da Capela ou a Escola-Museo de Gutriz. O percorrido será de dificultade media e duns 10 quilómetros.
Acompañaranos e guiaranos no percorrido a Asociación Cultural Roxín Roxal. Máis información na web de Adega.
