A festa do audiovisual escolar entregou en Boiro os seus galardóns anuais.
Olloboi é un Festival Audiovisual orientado a producións audiovisuais de ámbito escolar e académico, promovido pola asociación do mesmo nome, promovida por docentes de secundaria. Como cada ano, Olloboi celebrou o seu festival anual, onde o xurado fixo peneira do máis destacado da produción audiovisual das escolas do país. Velaquí todas as pezas premiadas:
Premio á mellor interpretación:
Non significa non, do IES de Mugardos
Efecto bolboreta, do IES Macías o Namorado de Padrón
Premio á mellor montaxe:
Esta son eu, do IES de Cacheiras
Premio ao mellor guión:
Ariadna quere ser Teseo – A muller lamprea VI, do IES As Barxas
e Máis che vale non ser ti, do IES A Cachada, de Boiro
Premio Arte:
Os xeranios do señor Alfonso, do CPI Virxe da Saleta de Cea
Premio á mellor banda sonora:
Para ‘Aínda que sexa un soño’, peza escrita e interpretada por alumnado de 4º da ESO e 1º de Bacharelato do IES As Barxas:
Premio á mellor fotografía:
En el baño, do Centro Educativo Galén de Lugo
Premio ao mellor traballo na etapa de Educación Primaria:
O cole que queremos, do CEIP do Carballal de Marín
Premio ao mellor traballo na Educación Superior:
Astral, da Facultade de Ciencias Sociais da Universidade de Vigo
E, por último, aproveitamos para achegarvos tamén aquí o vídeo que fixeron a xente do CEIP O Carballal, de Marín, acerca do evento deste Olloboi 2017:
Tamén aquí unhas imaxes tiradas polo actor Miguel de Lira, un dos participantes no evento:
E na web do Festival podedes facer repaso de todiñas as pezas finalistas
[…] Aquí podedes ver as pezas gañadoras o ano pasado […]