Deica o 12 de setembro os cursos do 1º cuadrimestre. As solicitudes para o 2º cuadrimestre serán entre o 2 e o 11 de xaneiro.
Convócanse, con carácter gratuíto, os cursos de linguaxe administrativa galega e os cursos preparatorios para os certificados de lingua galega, Celga, que se realizarán en distintos períodos e en varias escolas oficiais de idiomas de Galicia.
As solicitudes e prazos de inscrición, segundo o seguinte calendario:
Para os cursos do 1º cuadrimestre (que se impartirán entre outubro e xaneiro): do 3-12 de setembro de 2018
Para os cursos do 2º cuadrimestre (que se impartirán entre febreiro e maio): do 2-11 de xaneiro de 2019
As persoas que desexen participar nos cursos deberán cubrir o formulario de inscrición telemática no enderezo www.eoidigital.com/preinslinguagaleganova
Unha vez rematado o proceso de asignación de prazas, o alumnado seleccionado deberá presentar na secretaría da escola onde foi admitido a documentación. O prazo para a presentación desta documentación será ata o día 19 de setembro de 2018, para os cursos do primeiro cuadrimestre e ata o 18 de xaneiro de 2019, para os cursos do segundo cuadrimestre.
