Ponte… nas Ondas! celebra esta semana o Día Mundial da Radio.
Aínda estades a tempo de enviar as vosas pezas e colaboracións á convocatoria que a asociación cultural e pedagóxica Ponte… nas Ondas! Realizou para este mércores 13 de febreiro coincidindo co Día Mundial da Radio. Aproveitando o recente Día Escolar pola Paz, a edición deste ano xirará arredor do lema proposto pola Unesco “O diálogo, a tolerancia e a paz “. O obxectivo é promover debates sobre a paz e a tolerancia entre o alumnado e debates sobre os Dereitos Humanos ( 70 aniversario da sua declaración ).
O portal “Escolas nas ondas” (www.escolasnasondas.com) centralizará a actividade para este día. Un feixe de escolas participarán no evento. Podedes enviar as ligazóns dos vosos vídeos e/ou audios a web@escolasnasondas.com ou ondas@pontenasondas.org
