Rosa caramelo e outras historias


Inspirada nos contos da italiana Adela Turín, pioneira na investigación da literatura infantil e xuvenil desde a perspectiva de xénero, e da man da coñecida compañía galega Talía Teatro, poderase gozar durante o outono na Rede de Dinamización Lingüística (RDL) da Xunta de Galicia: Vilamarín, Bueu, Ordes, Laxe, Monforte de Lemos, Mondoñedo, Viana do Bolo, Negreira, Lalín, Trazo, Burela, O Porriño e Vilagarcía de Arousa son algunhas das paradas que aínda terá este espectáculo que iniciou xa a súa andaina.

A proposta teatral está dirixida ao público familiar con nenos dos catro aos oito anos e combina a palabra coa música en directo. Afonda nos roles e nos estereotipos de xénero para contribuír a desmontar prexuízos sobre aptitudes e actitudes de homes e mulleres e dinamizar o uso da lingua galega na familia. Interpretada por Artur Trillo e Fernando Fraga baixo a dirección de Paula Carballeira, Rosa caramelo e outras historias conta a historia da elefanta Margarida –a única do grupo que non consegue que a súa pel sexa de cor rosa caramelo– e tamén as de Os bonobos con lentes, Unha feliz catástrofe e Artur e Clementina.

Coma sempre nos programas de dinamización lingüística que promove a Consellería de Cultura e Turismo en concellos da RDL, a entrada á actividade é libre e de balde ata completar a capacidade das salas. Toda a información e calendario completo poden consultarse no Portal da Lingua Galega e na Axenda de Cultura de Galicia.
 

Axenda de FalaRedes 2019. Rosa caramelo

Data e hora

Lugar

Concello

Provincia

Sábado, 5 de outubro, 18:00 horas Auditorio da Casa da cultura Ribadavia Ourense
Domingo, 6 de outubro, 17:00 horas Centro Cultural Avenida A Rúa Ourense
Sábado, 12 de outubro, 17:00 horas Centro Cultural Vilamarín Ourense
Domingo, 13 de outubro, 18:00 horas Centro Social do Mar Bueu Pontevedra
Venres, 18 de outubro, 19:30 horas Auditorio da Casa da Cultura Ordes A Coruña
Domingo, 20 de outubro, 19:30 horas salón de actos culturais municipal Laxe A Coruña
Venres, 25 de outubro, 19:00 horas Edificio Multiúsos Monforte de Lemos Lugo
Domingo, 27 de outubro, 19:00 horas Casa da Xuventude Mondoñedo Lugo
Venres, 1 de novembro, 18:00 horas Casa da Cultura Viana do Bolo Ourense
Domingo, 3 de novembro, 13:00 horas Auditorio do Centro Sociocultural Negreira A Coruña
Venres, 15 de novembro, 19:00 horas Salón Teatro Lalín Pontevedra
Sábado, 16 de novembro, 12:00 horas Centro Social Polivalente Trazo A Coruña
Domingo, 17 de novembro, 18:00 horas Casa da Cultura Burela Lugo
Venres, 22 de novembro, 18:00 horas Biblioteca Pública Municipal O Porriño Pontevedra
Sábado, 23 novembro, 12:30 horas Salón García Vilagarcía de Arousa Pontevedra

 

COMPARTIR

Deixar un comentario

Por favor, introduce o teu comentario!
Por favor, introduza o seu nome aquí

*