Prazo aberto ata o 30 de setembro.
Poderá participar calquera grupo ou solista que presente a maqueta dunha canción en galego, con letra e música orixinais e inéditas, que non fosen publicamente difundidas antes por ningún tipo de soporte nin canle.
Nesta edición especial de 2021 o concurso constará dunha única fase e convócase só a categoría xuvenil, que atende aos seguintes límites:
Xuvenil.- Idade: de 13 a 16 anos
Número máximo de compoñentes: 12
O límite de idade enténdese en referencia á data de publicación destas bases no Boletín Oficial da Provincia da Coruña (Publicado a 4 de marzo de 2021).
Permítese tamén que haxa excepcións ao límite de idade inferior, é dicir, compoñentes menores de 13 anos, sempre que o número de excepcións sexa inferior ao 50% de membros totais do grupo.
A autoría da letra e a música da maqueta debe ser dos membros do grupo, aínda que se admite o asesoramento doutras persoas, como pode ser o profesorado.
Bases completas na web do concurso QueroCantar.gal