Nova edición do concurso escolar “Rosalía Sempre Viva”

Convocado pola Casa-Museo Manuel María, o prazo de inscrición remata o 3 de febreiro de 2022.

Imaxe: Casa-Museo Manuel María

A Casa-Museo Manuel María vén de convocar unha nova edición do Concurso escolar de recitado poético “Rosalía sempre viva”; retomando, así, unha actividade, que tiña un altísimo éxito de participación entre o alumnado de toda a xeografía galega, despois de dous anos que non se puido celebrar pola situación socio-sanitaria vivida pola Covid-19.

Centrado no recitado de versos da obra en galego de Rosalía ou da ampla produción poética de Manuel María, o concurso escolar, dirixido a todo o alumnado de ensino non universitario, ten como obxectivo potenciar a expresión oral e a creatividade do alumnado a través do coñecemento e o recitado da poesía de dúas das voces máis importantes e populares da literatura galega.

O 3 de febreiro é a data límite para que os centros educativos se inscriban no certame e a fase final celebrarase no auditorio da Casa-Museo Manuel María o sábado 19 de marzo de 2022.

As bases do concurso escolar “Rosalía Sempre Viva”

Deixar un comentario

Por favor, introduce o teu comentario!
Por favor, introduza o seu nome aquí

*