A Secretaría Xeral de Política Lingüística pon a disposición do público infantil esta serie audiovisual dos Bolechas, baseada na colección de libros do mesmo título, sobre a vida e a obra dos principais autores galegos homenaxeados no Día das Letras Galegas. De 8 minutos de duración e dirixidos a nenos de 8 a 9 anos, estes capítulos van máis alá da tradicional historia dos Bolechas para alcanzar a difusión da cultura e da literatura galegas, integrando relatos de autores galegos de renome.
