Festival das artes da fala. En Pontevedra, no Teatro Principal. Días 5 e 6 de outubro.
Son dúas noites de espectáculos senlleiros na cidade de Pontevedra para reflexionar ludicamente sobre a lingua e a arte vocal dun xeito aberto para toda a cidadanía de todas as idades, condicións e estados de ánimo. Ademáis haberá actuacións sorpresa de animación e promoción do festival nas rúas da zona vella previas aos espectáculos no teatro a partir das 19 h.
En positivo e en galego. Máis de 25 artistas galegos con propostas creadas especialmente para este festival que pretende condensar algunhas das tendencias actuais sobre as artes orais e con vocación de manterse no calendario de actividades da capital do Lérez.
O Leverelem é o primeiro festival do mundo adicado ás artes da fala, á oralidade como medio artístico e de expresión, sen fronteiras estilísticas, sobre a tradición oral, a poesía, a comunicación, o teatro, a canción, o conto, a retórica, a expresión vocal, a regueifa, o cabaret, con música, radio, humor, verso, verbo, improvisación, mensaxe subliminal e lingua.
Día 5 de outubro
Radio ao vivo > Presenta e conduce Xurxo Souto
Espectáculo de Radio ao vivo aberto ao público e convidados en palco nunha sucesión de intervencións curtas e dinámicas para gravar en podcast e emitir ao mundo polr Internet. Entrevistas, pequenas actuacións, ambientación musical, a estéticas da publicidade nas ondas,…
Coas actuacións de: Sés, Trioliro Regueifeiros, DJ, Paulina Ceremuzynska, Novos Diplomáticos, ConVersos, Aula Folque Infantil.
Día 6 de outubro
Noite de variedades > Presenta e conduce Quico Cadaval
Un espectáculo de variedades en torno á oralidade, en clave de humor, animada por comendiantes, cantantes e músico. Na noite iranse exhibindo xéneros vinculados á oralidade. Unha viaxe polos diferentes xeitos de usar a lingua para comunicarse co público, divertilo, informalo… dende a tradición até a contemporaneidade.
Coas actuacións de: Chévere, Cabraret, Paula Carballeira, Triateros, Marián Bañobre, Pel de Noz.
