Profesorado de Arteixo, O Milladoiro, Pontevedra, Porto do Son, Ourense e A Coruña obteñen os galardóns.
Os tres premios recoñecidos no Premio Fundación Telefónica de Innovación Educativa que viñeron para Galicia son os seguintes:
–‘A viaxe de Alicia con e-Adventure: coñece a túa cidade’, elaborado por Sonia Vivero Nogueiras, Agapito Muñiz Llanos e Pilar Martínez Souto do IES de Sabón, Arteixo, A Coruña. Unha aventura gráfica onde o alumno debe conseguir que un personaxe volva á casa explorando diversos lugares e épocas.
–‘Ilusionarte coas TIC’, presentado por Concepción Villar Suárez, profesora na Escola de Educación Infantil Milladoiro, en Ames. Unha bitácora que recolle todas as actividades que desenvolve o alumnado de segundo ciclo de infantil na actividade Linguaxe Audiovisual e Novas Tecnoloxías.
–‘Proxéctate con nós’, presentado por Patricia Doval Rodríguez, do CEIP Manuel Sieiro de Crecente; Concepción Villar Suárez, da Escola de Infantil Milladoiro, en Ames e Ana Belén Rodríguez González, do CPR Luis Vives, de Ourense. Un proxecto que reúne a tres centros educativos co obxectivo de crear unha curta a través do traballo cooperativo. O tema elixido foi a conservación do medio ambiente, dando a coñecer o morcego como especie animal favorecedora para a conservación de ecosistemas.
–‘MarinoFeQ’, proxecto do profesor Francisco Mariño Domínguez, do IES Porto do Son. Un sitio web que xunta material para a aprendizaxe de física e química cun feixe de recursos vencellados con estas materias.
Máis información sobre os premios na web da Fundación Telefónica