Adega convoca dúas xornadas para a eliminación de flora exótica invasora. Serán os días 18 de xullo e 10 de outubro.
A Fundación Biodiversidad, no marco da iniciativa ‘Praias, voluntariado e custodia do territorio’, seleccionou un ano máis a proposta de Adega para a concienciación cidadá sobre a custodia do litoral e á vez a acción sobre a problemática das especies invasoras.
As actividades do proxecto “Conservando as nosas dunas” para este ano, consistirán en dúas xornadas de voluntariado ambiental para a eliminación de flora exótica invasora que se realizarán os días 18 (lagoas de Xuño e Muro, Porto do Son) e 10 de outubro (praia da Corna, Pobra do Caramiñal). Xa está aberto o prazo de inscrición. As voluntarias e os voluntarios que queiran participar en calquera das dúas xornadas poden apuntarse ou pedir información no seguinte enderezo: ramses@adega.info tlf: 616 238 050
