Os antibióticos: grandes aliados, se son ben utilizados.
1.- Os antibióticos salvaron millóns de vidas. É imprescindible usalos axeitadamente para que sigan sendo útiles.
2.- Só son efectivos para as infeccións causadas por bacterias. A maioría das infeccións infantís están causadas por virus e por iso non se curan nin alivian con antibióticos.
3.- A febre non se trata con antibióticos. A súa presenza non significa que sexan necesarios.
4.- A lei prohibe vender antibióticos sen receita. Só o médico os pode prescribir. Non se deben tomar sen a súa supervisión.
5.- Non se deben usar os antibióticos que sobrasen doutros tratamentos. Estes débense levar ao punto SIGRE (puntos de recollida nas farmacias) para a súa reciclaxe.
6.- Os antibióticos débense tomar nas doses, pautas e durante o tempo que recomendase o médico.
7.- Non se deben suspender os antibióticos aínda que desaparezan os síntomas da enfermidade salvo por indicación médica.
8.- Os antibióticos son medicamentos seguros pero nalgúns casos poden ter efectos secundarios ou producir alerxias. Nestes casos débese consultar co médico.
9.- Os antibióticos mal usados deixan de ser efectivos porque as bacterias fanse resistentes aos seus efectos. Isto supón un problema sanitario grave.
10.- Os antibióticos teñen que utilizarse con certas precaucións durante o embarazo e a lactación. Estas circunstancias débenlle ser comunicadas ao seu médico.
Decálogo do bo uso dos antibióticos da Asociación Española de Pediatría (Decálogo imprimible (.pdf))
