En setembro pasado, e baixo o título “Pedagogos/as y Psicopedagogos/as de Galicia: ¿nos unimos?”, a pedagoga Paula Suárez poñía na rede un formulario destinado a compañeiras e compañeiros de formación e profesión. No ánimo da iniciativa subliñaba a necesidade de xuntar esforzos nun ámbito profesional co fin de xerar sinerxias, compartir preocupacións, intereses e situacións laborais. Os resultados desta enquisa aparecen agora organizados nun novo artigo onde se comentan as primeiras aproximacións cara á posibilidade ou non de crear un Colexio de Pedagogos/as e Psicopedagogos/as ou mesmo encarreirar as demandas do colectivo a través do xa existente Colexio Oficial de Doutores e Licenciados en Filosofía e Letras e en Ciencias de Galicia.