Manifesto “Dereitos, non parches”


Este manifesto foi lido polo colectivo de nais e pais de diferentes colexios da área da Coruña nunha concentración convocada o pasado 9 de outubro diante da delegación da Xunta na Coruña.

Porque só con persoal especialista de atención á diversidade non se logra a inclusión, pero sen el temos claro que é imposible acadala.

Porque non nos vale que se quite o que xa era insuficiente e, só se a prensa se interesa, se maquille a desfeita sen garantir unha atención educativa axeitada para todas as persoas.

Porque a administración debera ser quen protexera as persoas que polas súas circunstancias teñen máis risco de exclusión e non un inimigo ao que enfrontarse para elas.

Porque as familias imos seguir aquí estea quen estea aí: non é cuestión de partidos, é cuestión de compromiso estrutural cos dereitos educativos de todas as persoas.

Porque estamos cansas, enfadadas e fartas de que os nosos fillos e fillas sexan sempre as primeiras vítimas do aforro de recursos, como se non tivesen os mesmos dereitos, como se total xa non merecesen eses recursos desde o principio.

Porque non pode haber educación de calidade para ninguén nun sistema que ignora sistemáticamente, que invisibiliza e nega a diversidade: un sistema no que hai xente que non recibe o que precisa para aprender é un sistema que só pode ensinarlles a todas e todos un mundo pequeno e inxusto.

Por todo iso,
QUEREMOS DEREITOS, NON PARCHES!

Co apoio de: Anpa Aturuxo (CEIP Rosalía de Castro); Anpa Valle Inclán; Anpa María Casares;
Anpa Labaca; Anpa CEIP de Prácticas; Anpa As Pedreiras (CEIP San Pedro de Visma); Anpa
Ramón de la Sagra; Anpa CEIP Luis Seoane; Anpa Albor (CEIP Alborada); Anpa Mar do Orzán
(CEIP Eusebio da Guarda); Anpa Bidueiro (Ceip Isidro Parga Pondal); Anpa Milnen@s (CEIP
Emilia Pardo Bazán); Anpa CEIP Sanjurjo de Carricarte; Federación de Anpas Costa da Morte;
Coordinadora de ANPAS Abrente (As Pontes); Asoc. A Pezoca (Oleiros); ATELGA; DISMACOR;
Anpanee; AAVV Uxío Carré; ASPERGA.

Máis información e adhesións no espazo do grupo en Facebook.

COMPARTIR

Deixar un comentario

Por favor, introduce o teu comentario!
Por favor, introduza o seu nome aquí

*