A artista camariñá Belem Tajes convida a unírmonos a esta iniciativa ambiental.
Trátase de apañar os restos de redes de orixe na actividade pesqueira que poden atoparse a moreas por toda a liña de costa.
Belem, logo de reparar na inxente cantidade que á beira do mar aparecen destes cabos, proponnos recoller todos os que poidamos, unilos e armar unha liña verde que una as localidades de Malpica e Fisterra. Isto é, unir os 200 km da Costa da Morte e chamar a atención sobre o problema dos residuos.
Podedes ir seguindo a iniciativa a través do seu propio Facebook e tamén coas etiquetas en redes sociais #aliñaverde e #costadamortelimpa