En Vigo o 27 de abril e en Ourense o 28 de abril.
A coñecida historia en forma de musical, que xa pasou en datas pasadas polos escenarios galegos doutras cidades, chega agora a Vigo e Ourense. O relato de Dorothy, a meniña que vive nun campo de Kansas e que se ve transportada ata o mundo de Oz. Para conseguir voltar á casa terá que viaxar deica a Cidade Esmeralda e atoparse co misterioso Mago de Oz. Polo camiño contará coa axuda do Espantallo, o Home de Latón e o León cobarde. As cancións, entre elas a famosa, “Tras do arco da vella”, guían o espectáculo.
O Mago de Oz poderá verse en Vigo no Teatro do Centro Cultural Novacaixa Galicia ás 17h30 do sábado 27 de abril. E no Auditorio Municipal de Ourense o domingo 28 de abril a partir das 17horas. Os prezos das entradas están entre os 12 e os 16 euros.
