Fixeches hoxe algunha pregunta? Descubriches algo novo?
Así presentan unha nova edición da súa Feira das Ciencias de Google, un concurso de ciencias online que busca mentes inquietas en todo o planeta. E ollo: “Os xenios non sempre son os mellores estudiantes: aceptamos a todos os inconformistas, inadaptados e curiosos”, advirten os organizadores.
“Todo o mundo ten unha pregunta, cal é a túa?”. É así como desafían a rapazas e rapaces de entre 13 e 18 anos a facérense unha pregunta e a continuación tratar de respondela desde a investigación científica. “Podería ser un novo enfoque da física de partículas” ou podería ser “unha forma rendible de levar auga potable a unha comunidade remota”… pero tamén podería ser un proxecto sobre as redución das propiedades canceríxenas do polo á grella, xustamente un dos proxectos que gañou o ano pasado. Na web poden consultarse exemplos de iniciativas recibidas na edición de 2011 da Feira das Ciencias de Google.
“O importante é que sexa inspirador”, subliñan desde Google. O prazo está aberto deica o 30 de marzo
Os premios son ben gorentosos, por exemplo: participar nunha viaxe científica ás Illas Galápagos no National Geographic Explorer ou bolsas de traballo en centros científicos diversos en todo o mundo, como o CERN, en Suíza.
