Deica o 28 de marzo Lugo acolle este proxecto de divulgación histórica.
Especialmente pensada para escolares pero, dende logo, atractiva para todos os públicos, a exposición Romanorum Vita, organizada por La Caixa, está xa aberta en Lugo. A mostra Romanorum Vita convida a facer un percorrido por unha cidade romana a través do cotiá das vidas dos seus habitantes arredor do século I d.C: o lecer, a comida, rúas, negocios, como era unha casa típica, o culto aos deuses… Unha completa viaxe a un fascinante período da historia.
O espazo web contén entre outros:
- Unha visita virtual
- Catálogo en liña con ampliación de contidos
- Propostas educativas sobre a vida cotiá nas cidades romanas
(en galego)
A exposición pode visitarse na Praza Horta do Seminario de luns a venres en horario de 12h30-14h e 17h-21h e sábados e domingos de 11h a 14h e 17h a 21h.
Toda a información na web de Romanorum Vita
