Un espazo onde podemos coñecer o patrimonio histórico afundido na costa.
Os restos de barcos afundidos son un reclamo tanto para o submarinista como para a fauna e flora submarina, que atopa neles un lugar de asentamento, refuxio, cría ou alimentación. No espazo web Bucea en la historia amósannos información e localizacións de moitos destes restos na liña de costa de toda a península, moitos deles nas costas de Galicia.
Na lista aparecen por exemplo os Galeóns de Rande, a ‘Flota do ouro’ afundida na ría de Vigo, que o propio Julio Verne evocara no seu libro ‘Vinte mil leguas de viaxe submarino’. Ou o Blas de Lezo, afundido durante unhas manobras navais en xuño de 1932 fronte a Fisterra. Ou o Clara Camus, un cargueiro a vapor austro-húngaro que afundiu en xullo de 1913 ao oeste do Cabo Prioriño, a mesma zona onde en 1953 afundiu un mercante sueco, o Thangoy.
