Versión virtual da exposición impulsada polo Arquivo da Emigración do Consello da Cultura.
“Luces do alén mar” recolle o legado das escolas de americanos en Galicia. A exposición, que percorre tamén diversas salas no país, fai un repaso da importancia das máis de trescentas escolas indianas creadas en Galicia cos cartos da emigración e da súa pegada pedagóxica. O Arquivo da Emigración Galega do Consello da Cultura Galega vén traballando desde os seus inicios, en 1992, na recuperación e posta en valor da memoria e dos importantes legados dos emigrantes galegos.
